Кіру талаптары
Еуразиялық экономикалық одақтың кедендік аумағына, оның ішінде Қазақстан Республикасының аумағына жануарларды (жылқыларды, ІҚМ, иттерді, жабайы жануарларды) әкелу жөніндегі ақпарат
Қазақстан Республикасы аумағында Кеден одағы Комиссиясының 2010 жылғы 18 маусымдағы № 317 шешімімен (бұдан әрі – Шешім) бекітілген Ветеринариялық бақылауға (қадағалауға) жататын тауарларға Бірыңғай ветеринариялық (ветеринариялық-санитариялық) талаптар қолданылатын Еуразиялық экономикалық одаққа (ЕАЭО) мүше мемлекет болып табылады.
Шешімнің 3.7-тармағына сәйкес әкелу, әкету, транзит кезінде, сондай-ақ Одақ ішінде бір мүше мемлекеттің аумағынан екінші мүше мемлекеттің аумағына өткізу кезінде бақылаудағы тауарлар тасымалдаудың барлық уақыты ішінде ветеринариялық сертификаттармен сүйемелденуге тиіс. ЕАЭО-ға мүше мемлекеттерден бақылаудағы тауарларды әкелу кезінде «Кеден одағының ветеринариялық шараларын қолдану саласындағы құжаттардың жобалары туралы» Кеден одағы Комиссиясының 2010 жылғы 18 қарашадағы № 455 шешімімен бекітілген нысандағы ветеринариялық сертификаттармен сүйемелденеді. Одақтың кедендік аумағына үшінші елдерден бақылаудағы тауарларды әкелу нысандары Кеден одағы Комиссиясының 2011 жылғы 7 сәуірдегі № 607 шешімімен бекітілген Еуразиялық экономикалық одақтың кедендік аумағына әкелінетін үшінші елдерден бақылаудағы тауарларға арналған Бірыңғай ветеринариялық сертификаттардың нысандарына сәйкес келетін ветеринариялық сертификаттардың сүйемелдеуімен мүмкін болады.
Сондай-ақ, Шешімнің 6.1-тармағына сәйкес Одақтың кедендік аумағына үшінші елдерден бақылаудағы тауарларды әкелу Қазақстан Республикасы Ауыл шаруашылығы министрінің 2014 жылғы 9 желтоқсандағы № 16-04/647 бұйрығымен бекітілген Тиісті аумақтағы эпизоотиялық жағдайды бағалауды ескере отырып, орны ауыстырылатын (тасымалданатын) объектілердің экспортына, импортына және транзитіне рұқсат беру қағидаларына сәйкес берілген әкелуге рұқсат болған кезде жүзеге асырылады.