Ордо
Команда құрамы: 8 ойыншы, 1 бапкер.
Жарысқа 18 жастағы және одан асқан спортшылар жіберіледі. Жарыстар ерлер арасында өткізіледі. Ордо тегіс жерде өтеді. Шеңбердің диаметрі 12 м. Ойын ұзақтығы 2 сағат.
Әр команданың бірыңғай спорттық формасы болуы керек. Әрбір қатысушының спорттық футболкасында өтінімде көрсетілген нөмірлеріне сәйкес келетін нөмір болуы керек.
Егер екі команда бірдей ұпай жинаса, жеңіс келесі тәртіп бойынша беріледі:
- жекпе-жек кездесуде жеңіске жеткен командаға;
- барлық ойындарда шеңберден шығарған асықтар санына қарай;
- шығарылған асықтардың саны бірдей болса, барлық ойындарда шығарылған Ханның саны есептеледі.
Жарыстар Қырғыз Республикасының «Ордо Оюну» спорт федерациясының қолданыстағы ережелеріне сәйкес өткізіледі.
